Vo mere baap ka na hona.
Vo unka mere madad mangne par chid jana,
Vo mere baap ka sab thik ho jane par madad dena.
Vo mere baap ke beemar hone par, humara unhe aspatal le jana.
Vo unka, mere 101 bukhar par, kehna ki unhe kyu pareshan kiya ja raha.
Vo unka kehna ki unhone humare liye baki bapo se zyada kiya hai,
Vo mere baap ka mere naam se loan lekar restaurant mein jana.
Vo mere baap ka apne pote ko apne haton se dudh pilana,
Vo mere baap ka mere janm par, mujhe mudkar bhi na dekhna.
Vo mere baap ka kehna ki tumhe jo karna hai karo,
Vo unka, mere JEE exam dene par, kehna ki main apni zindagi barbad karungi.
Vo meri didi ki shaadi pe 14-15 lakh kharch karna,
Vo meri padhai ke liye unke paas 5 lakh tak na hona.
Vo mere baap ka, mere saamne, meri maa ki burai karna,
Vo mere baap ka, meri maa ke saamne, meri burai karna.
Haa, anaath nayi hu main;
Is baat ki shukraguzar hu main.
Par kya baap dekar, aisa baap dena, zaruri tha?
